點解咁多朋友仔炒股贏唔到錢?
係我見過咁多學生朋友嘅個案入面,點解咁多朋友仔買股票都贏唔到錢?就係大家忽視咗兩個字,就係股票既「貨源」,呢兩個字係非常重要。「貨源」就係講緊畀大家聽,呢隻股票究竟在誰人手上揸住最多貨。而揸住最多貨的這個人,佢究竟諗緊啲乜?佢係沽緊貨?定係買緊貨?
呢個先係真正股票之道,莫論大價股,定係細價股。原理都是一樣,但好多朋友買股票,會忽略呢兩隻字。
大部份人係跟緊乜嘢方法去買股票?就係跟緊世界兩大主流股票分析方法,包括:傳統嘅價值投資(即係啲人講話係巴菲特嗰套)同埋傳統嘅技術分析(即係睇圖表個套),但係呢兩種主流分析方法,你用來做選股的話是有好大盲點,為什麼這麼說?
我舉一個例子,假設而家有一間公司,佢係夕陽行業,同埋公司係蝕緊錢。那我們用傳統嘅價值投資,會不會買這間公司?當然不會。因為我們連PE(市盈率)的估值都不能計,公司亦都係冇前景,夕陽行業,PS(市銷率)的估值都不需要有。
第二,同一間公司,連它的股價圖,超級頭肩頂也出現,甚至乎在低位橫行,冇乜成交。股價線都連不起來,因為冇成交,不知大家有冇看過這些股票?對於這種圖,我們用傳統的技術分析,也不會買佢,用這兩套主流股票分析方法,都不會揀它。
兩個條件
但對於這隻股票來說,我只要多兩個條件,故事就可以完全不同了,什麼條件呢?
第一個條件,佢係非常貨源歸邊。舉例,佢係兩億市值,同埋95%貨喺同一個人手上揸住。咁即係成條街街貨有幾多?其實得5%,只係一千萬。那麼一千萬多不多?其實是一個非常細的數目。在香港,內地及外國資金,喺香港擁有一千萬的人都多到不得了。講緊係如果有一千萬,係成條街,這隻股票的街貨,都可以買起來。
第二個條件係,揸住95%貨的人在市場上,不停買緊貨,而不是沽緊貨的話,這隻股票是升定是跌?答案當然,是會升到痴線!雖然呢間公司又蝕錢,幅圖又核突,但只要啱咗呢兩種情況,貨源極度歸邊,只要揸住最大貨的人,他是不停掃貨的話。其實這間公司的基本面和圖表都是完全不用理會的
真實例子 8331
可以這麼誇張,你不要以為我亂說一些例子。喺我寫專欄以來,第一隻成名作,就是8331。這隻股票,我買佢的那一刻,當時市值是1.8億元,97%貨源歸邊,整條街,街貨只有500多萬,只是幾百萬港紙。 我自己是$0.36建倉,都要買一兩個星期才夠貨。當時Hilton財技班,第一至四班同學仔都買得到,所以我們自己班同學仔也持有了不少貨,我們都是成日講,當時8331是升是跌,都是Hilton財技班控制。當然,真正控制的是揸住97%的人。
而最後,這隻股票都幾好,好有心人最後炒上,好大貨咁去到$2,我自己$1.8-$1.9沽曬。 有個朋友仔Sandy,佢$2沽到,佢亦都係我哋財技班嘅同學。
而這間公司最過癮是什麼?當時它是蝕緊錢的,而股價圖亦都是由高位下來,我們買的。 由此可見,用最傳統的價值投資和圖表分析,係真係有佢盲點,因為用呢兩個方法係搵唔到呢啲爆炸性的股票出來。